A quarta-feira 10 de março ás 21h. tera lugar a presentaçom+passe de vídeos do projecto de documentário colaborativo EuFalo.tv a cargo d@s suas creadoras.
“Eufalo.TV é un proxecto de documental colaborativo. É unha historia colectiva sobre a lingua, dende o punto de vista dos seus falantes. É, por tanto, unha historia feita a partir de pequenas historias, un discurso feito con moitos discursos diferentes e variados. Que cada quen tire as súas propias conclusións.
Como proxecto en desenvolvemento que é, imos ir traballando nel pouco a pouco para melloralo e facelo o máis participativo posible. Contamos coa túa colaboración para, entre todos, irlle poñendo caras ao Mapa Sociolingüístico de Galicia.
Eufalo.TV argallámolo entre A Navalla Suíza e un equipo de colaboradores formado por Noa García, Manu Mayo, Belén Regueira, Araceli Gonda, Xandra Tedín, Mabel Montes, Mónica Ares e Matías Tarrío, entre outros. Queremos agradecerlles a súa colaboración ao Leo i Arremecághona e a Isabel Risco, e ás súas familias e amigos, que se prestaron a falar con nós. E sobre todo a toda a xente que aparece nos vídeos, anónima ou non tanto.”
(tirado da web de EuFalo.tv)
